Özünü bəyənməmə xəstəliyi kimi bilinən dismorfobiya müalicə edilməsi lazım olan psixoloji xəstəlikdir. Xüsusilə yeniyetməlik dövründə başlayan və insanın bədəni ilə bağlı qüsur yaratması ilə xarakterize olunan xəstəlikdir.
Dismorfobiya çox vaxt gizli qalan bir xəstəikdir. Bu xəstəliyə yoluxan insanlarda tez-tez güzgüyə baxma və özündə gördüyü fiziki qüsuru gizlətmə cəhdləri özünü göstərir. Qırışıqlar, yara izləri, damar izləri, dəri rəngindəki solğunluq və qızarıqlıq, saçın nazikliyi, üzdə həddindən artıq tüklənmə kimi şişirdilmiş qüsurları olduğunu düşünərlər. Belə xəstələrin, demək olar ki, hamısı sosial mühitlərdən qaçmağa çalışarlar. Hətta şişirdilmiş qüsurlarına görə ələ salınmaqdan qorxduqları üçün evdən çixmaz hala gəlirlər.
Bu xəstəliyə tutulmuş xəstələrin beşindən birində intihara meyillilik özünü göstərir. Bəs hansı insanlar daha çox risq daşıyırlar?
Əksər vaxtlar subay və ya boşanmış insanlardır, sosial bacarıqları məhduddur, insanlarla əlaqələri zəifdir. Özlərini başqalrı ilə müqayisə edərlər və bəzən dostlarından, bəzən ailəsindən, bəzən isə heç tanıçsdığı insanlardan özləri ilə bağlı yaxşı sözlər eşitmək istəyərlər. Bu xəstələr utancaq, çəkingən insanlardır. Bədənləri ilə əlaqəli tənqidlərə qarşı çox həssasdırlar. Əgər xəstəlik yeniyetməlikdə başlayarsa çox az dost qazanarlar. Yaşıdlarından uzaqlaşarlar. İnsanlara daha az görülmək üçün təkcə çox gec saatlarda evi tərk edər və ya evə qapanarlar. Hətta işlərindən istefa edə bilər, məktəblərindən ayrıla bilərlər.
Dermotoloqlar və estetik cərrahlar bu insanların tez-tez müraciət etdikləri insanlardır. Bu insanlar estetik cərrahlar və ya diş həkimlərindən tez-tez müxtəlif şeylər istəyərlər. Lakin bu müvəqqəti bir rahatlama yaradar. Gözlədikləri çox yüksək olduğu üçün nəticədən heç vaxt razı qalmazlar. Xəstəliyin müalicəsində dərmanlardan, psixoterapiyadan və davranış terapiyasından istifadə edirlər.
Tərcümə etdi:Lalə Fətəliyeva
