Qırmızı xalıda ən gözəli Nikol Kidman oldu Fransada 67 Kan festivalı baş tutdu. Mərasimin açılışında qırmızı xalıya Nikol Kidman, Letisiya Kasta, Bleyk Layvli, Zoi Saldana, Odri Totu, Karli Kloss və başqaları çıxmışdır.
Kann festivalının açılışını dəniz kənarında qeyd edirdilər. Bu dəfə açılış mərasiminin ən parlaq ulduzu “Monakonun şahzadəsi” filmində baş rolu ifa edən Nikol Kidman oldu. Qeyd edək ki, filmin rejissoru Olivye Daandır.
Nikol Kidman Armani Privedən olan donla qırmızı xalıda hamının diqqətini çəkdi. Onunla birlikdə geyimi mirvarilərlə tikilmiş Elie Saabdan olan Paz Veqa, “Monakonun Şahzadəsi” filmində baş rollardan birini ifa edən Tim Rot, rejissor Olivye Daan qırmızı xalıda şəkil şəkdirirdi.
Qeyd edək ki, əfsanəvi Qreys Kelli haqqında olan bu filmin təqdimatına Monako kral ailəsinin üzvləri dəvət olunmuşdur. Lakin kral ailəsinin üzvləri filmin təqdimatında çıxış etməkdən imtina ediblər. Knyaz II Alber və onun bacıları rəsmi bəyan ediblər ki, film yalnış faktlara əsaslanır.
